Pour em’tchiote soeur Marie
Ch’sais qu’té ravisses min blog de timps in timps: em’femme, al m’l'a dit après qu’al t’as eu au téléphone.
Ch’sais aussi qu’té trisse ed’pas v’nir à Authie avec nouzautes pour el’fête ed’famile ! Mais l’plus important, ché qu’té soignes bien et qu’té guérisses el’plus vite possibe. Té s’ras bien r’présentée par tes tros tchiotes et in leur f’ra tertousse plein ed’baisses qu’à ramèn’ront là-bas, dins tin pays du chud del’France.
In intindant, je mets sur ch’blog deux belles photos d’ti, ine dins ch’gardin du 14 dins ché fleurs à not’père in plein miyeu d’ché corons; l’aute, ché nouzaute deux à ch’gardin public ed’Lens.
Allez, in t’imbrasse bien fort et in pinse à ti, la Marie.
